Jarraian,
"Kartografia" hitza entzutean, eta horrelako bat egin behar genuela
esan zigutenean bururatu zitzaigun, eta batez ere niri bururatu zitzaidana
azalduko dizuet.
Hasiera batean, onartu
beharra daukat kezka ugari eta beldur pixka batekin hartu nuen lan bat izan
dela. Izan ere, guretzat berria zen kontzeptu bat zen, eta taldekideek ez
genekien nondik hartu lana aurrera ateratzeko.
Bakoitzak, klasera bizitzan
zerbait erakutsi dion objektu, marrazki, jolas, esperientzia ... eraman genuen,
eta horiek elkartuta bideo bat egingo genuela erabaki ondoren, originalagoa zen
beste zerbait prestatzea otu zitzaigun, komiki bat.
Buru hausteak ondoren etorri
ziren, dena nola egingo genuen pentsatu eta bakarka egiteko lan bat zela esan
zigutenean hain zuzen. Beraz, buruari berriro bueltak ematea egokitu zitzaigun,
baino oraingoan bakarka.
Erantzun beharreko galdera,
"Nola ikasten duzu?" , plasmatu behar zegoela argi neukan, baino nola
eraman hau aurrera modu erakargarri eta original batean? Izan ere, oso galdera
zabal eta orokorra da, gaur egun gure inguruko edozein toki eta momentuan
ikasten dugulako, konturatu gabe ere eta momentu guztietatik gutxi batzuk
soilik aukeratzea oso lan konplexua iruditzen zitzaidan.
Asko kostata, eta lagun batek eman zidan
ideia eredutzat erabiliaz martxan jarri nintzen, oraindik zalantza ugari izan
arren.
No hay comentarios:
Publicar un comentario