Anderren kartografiaren hautatzearen arrazoi nagusia,
kartulina horren atzean dagoen istorioa izan da. Jarraian azalduko dut Anderrek
nola sailkatu dituen bere ebidentziak:
Hasteko, esan behar da, kartulinaren ezkerraldean ageri
den haurra bera dela, honekin batera komikietan agertzen diren bunbuiloak sortu
nahi izan ditu, bertan ebidentziak azalduz. Anderrek, nahiago izan zuen irudi
horietako bakoitza marraztu eta margotzea bere ebidentziaren tartekoa baita
hauxe bera ere.
Kartulinaren goikaldean, aitona irudikatu du eta alboan
bere etxebizitza, baserria. Hauek, egunero joaten ziren baserrira, eta beraz
Anderrek oso harreman estua zuen aitonarekin, honengandik gauza ugari ikasi
baitzituen; batez ere, baratzean lanean ibiltzen eta aitonaren kontakizun
anitzak entzuten. Aitona, bere ikaskuntzaren oinarri izanik, gaur-egun izugarri
dakizki baserriko inguruari buruz (uzta noiz landatu eta bildu, noiz
ureztatu...). Anderren ustetan, oso erabilgarria da gure bizimoduarekin
zerikusia duten gertuko gauzak ikas ditzagun, horrela errealitatera gehiago
hurbiltzeko aukera ematen baitu honek.
Honen azpian, idazmahai bat margotzea erabaki du,
nolabait bere ikaskuntza teorikoa errepresenta dezan, izan ere denbora ugari pasatzen
du bertan, eta honi esker ere gauza ugari ikasteko aukera izan du. Gainera,
honekin lotuta, telefono bat irudikatu du, txikitan izugarri erabiltzen
baitzuen hau, lagunekin geratzeko edota etxerako lanen inguruan galdetzeko
adibidez. Gaur egun ordea, azaldu du, whatsapp eta antzeko sare-sozialak
erabiltzen dituela lagunekin harremanetan jartzeko.
Halaber, idazmahaiaren eskuinaldean
"GOOGLE"-ren logotipoa irudikatu du, gaur-egun interneta edonoren
esku baitago, eta klik baten bitartez, informazio asko eskuratzeko aukera
izaten baita. Beri, oso erabilgarria suertatu zaio, esaterako bere intereseko
gaien inguruan informazio gehiago bildu ahal izateko. Hori guztia esateaz gain,
irakasle izaterako garaian ere oso erabilgarria izan daitekeela esan du tresna hau,
egun, ate ugari irekitzen baititu honek.
Azken honen eskuinaldean, hegazkin bat errepresentatu
nahi izan du hurrun dauden lagunak irudikatze aldera, lagun ingelesak batez
ere. Anderrek aipatu du, nahiz eta ez den oso trebea hizkuntza honetan, gauza
asko ikasi izan dituela beraiekin komunikatzerako garaian, baina baita kultura
eta gizarte aldetik ere.
Gainera, auto baten silueta ikusteko aukera ere badugu,
marrazki horien artean, hau bere hobby-tzat baitu Anderrek. Kotxeak ikaragarri
gustuko ditu eta honen alorrean ordu ugari igarotzen ditu irakurtzen, bideoak
ikusten edota aldizkariak gainbegiratzen. Hala eta guztiz ere, aipatu nahi izan
du, gustuko duen zerbaitetan denbora igaro ezkero, izugarri aberasten duela
norbanakoa.
Amaitzeko, gurpildun aulki bat marraztu du. Ebidentzia
hau nahiko pertsonala izan da Anderrentzat. Hauexek izan ziren bere hitzak:
"Egun batean, polikiroldegian nengoela, gizon bat hurbildu zitzaidan eta
kirola egiteko gai nintzen galdetu zidan, hankan lesio bat nuelako. Nik baietz
erantzun nion, ez nuela inongo arazorik eta pertsona normal batek egin zezakeen
guztia egiten zuela azaldu nion. Gizonak ordea, temati jarraitu zuen berearekin
esanaz, kirola ere egin zitekeela gurpildun aulki baten gainean, nik ordea,
ezetz esan nion, gurpildun aulkia alde batetara utzi eta gai nintzela kirola
era normalean praktikatzeko."
Halaber, Anderrek azaldu digu bere gorputza aktibo
mantendu ezean, gurpildun aulkian gera daitekeela, eta beraz, amorerik ez
ematen irakatsi diola gertakizun honek. Zerbait lortu nahi ezkero, esfortzua
eginez lor daitekeela adierazi du honek eta bizitzan, eta beraz ez dela inoiz
amore eman behar, aurrera jarraitu eta norberak nahi duen helburuak lortzera
irits daitekeela.
Galderak
eta erantzunak:
No hay comentarios:
Publicar un comentario