Norak bere
ikaskuntza-prozesua azaltzeko, kartulina batean argazki, hitzak eta esaldiak
jartzea erabaki du. Kartulina barruan dauden ebidentziak ikusteko, lehenik,
atea ireki behar dugu. Atea irekitzeko giltza beharrezkoa denez, giltza bat
marraztu du. Berak esan digun bezala: “ni naiz nire bizitzako giltza.” Lagunak
eta familia oso garrantzitsua dira beretzat eta nahiz eta hauek, hainbat balore
transmititu dizkieten Norari, bera da bere bizitzaren erantzule eta berak
erabakitzen du beti.
Egiturari dagokionean,
jerarkikoki egitea erabaki du. Horretarako, bere familia erdian jarri du, bere
bizitzaren sustraiak direlako. Honen inguruan, lagunak, musika, mutil laguna,
bere hobia, snowa eta dantza jarri ditu ebidentzia gisa.
Lagunek, askatasuna,
bizipoza, konfiantza, adiskidetasuna, eskuzabaltasuna, momentu politak,
laguntza, pazientzia, euskarria… transmititu diote. Mutil lagunarekin benetako
maitasuna eta hainbat leku desberdin ezagutu ditu, bidai desberdinak direla
eta. Dantzari garrantzi handia eman dio bizitzeko ezinbestekoa delako beretzat.
Dantzako andereñoa da eta mundu honetan, 14 urterekin hasi zela kontatu digu.
No hay comentarios:
Publicar un comentario